Hinir íslensku náttúrufræðingar - Þórunn Wolfram Pétursdóttir, doktor í umhverfisfræðum
Þórunn Wolfram Pétursdóttir er doktor í umhverfisfræðum frá Landbúnaðarháskóla Íslands og sviðstjóri hjá Landgræðslunni. Hún hefur fjölbreytta starfsreynslu, m.a. sem héraðsfulltrúi hjá Landgræðslunni, sem aðstoðarmaður umhverfisráðherra, auk þess að hafa verið í rannsóknarnámsleyfi við eina af rannsóknarstofnunum framkvæmdarráðs Evrópusambandsins á norður Ítalíu. Henni er umhugað um sjálfbæra nýtingu náttúruauðlinda og endurheimt náttúrugæða og trúir á þverfræðilega nálgun til að ná árangri.
--------
48:29
Hinir íslensku náttúrufræðingar - Jón Björnsson, þjóðgarðsvörður
Að vera náttúrufræðingur er aðeins einn af höttum Jóns Björnssonar, þjóðgarðsvarðar í Þjóðgarðinum Snæfellsjökli. Í hlaðvarpinu segir Jón okkur frá hinum fjölmörgu störfum sem hann hefur komið að, á sjó og á landi, en ferill hans sem landvörður hófst á Hornströndum.
--------
58:19
Hinir íslensku náttúrufræðingar - Erna Sif Arnardóttir
Erna Sif Arnardóttir er lektor við verkfræði- og tölvunarfræðideild Háskólans í Reykjavík. Hún leiðir stóran hóp alþjóðlegra vísindamanna í verkefninu "Svefnbyltingin" en verkefnið hefur hlotið einn stærsta styrk sem veittur hefur verið til rannsókna hér á landi úr Horizon 2020 rammaáætlun ESB fyir rannsóknir og nýsköpun. Erna Sif er líffræðingur að mennt og heillaðist að erfðafræði á menntaskólaárunum.
--------
32:04
Hinir íslensku náttúrufræðingar - Kristinn Haukur Skarphéðinsson, fuglafræðingur
Kristinn Haukur Skaphéðinsson er manna fróðastur um erni á Íslandi en hann á langan starfsferil að baki hjá Náttúrufræðistofnun Íslands við rannsóknir á þeim og öðrum fuglum í náttúru Íslands. Í hlaðvarpinu segir Kristinn Haukur okkur frá námi sínu og störfum - og skemmtilegum fuglum sem hann hefur komist í kynni við.
--------
46:28
Hinir íslensku náttúrufræðingar - Rannveig Guicharnaud, jarðvegsfræðingur
Hvað eiga jarðvegur, Evrópusambandið og þríþraut sameiginlegt? Jú, þau hafa notið krafta Rannveigar Guicharnaud, jarðvegsfræðings. Hún lætur ekki landamæri eða tungumál stöðva sig og hefur sinnt margvíslegum verkefnum á sviði jarðvegsfræði, kortlagningu og samráðs. En Rannveig er einnig margfaldur Íslandsmeistari í þríþraut og hefur staðið á verðlaunapalli heima og erlendis í ófá skipti.
Í hlaðvarpinu Hinir íslensku náttúrufræðingar hittum við íslenska náttúrufræðinga, kynnumst rannsóknum þeirra og störfum heima og erlendis, ástríðu þeirra fyrir náttúru og ævintýrum sem þeir hafa ratað í.
Hafdís Hanna Ægisdóttir, plöntuvistfræðingur, og Helena Westhöfer Óladóttir, umhverfisfræðingur, halda úti hlaðvarpinu fyrir hönd Hins íslenska náttúrufræðifélags en eitt helsta markmið félagsins er að glæða áhuga og auka þekkingu á öllu sem viðkemur náttúru.
Sverige